الناس فاكرين الوندوز هو الكمبيوتر

غالبية الشعب المصرى وللاسف معتقدين ان الكمبيوتر هو وندوز .. والاغرب ان فية ناس فاكرة ان ميكروسوفت  هى من اسس الكمبيوتر

تعريف الوندوز : هو نظام تشغيل بمجموعة من الادوات والبرامج البسيطة ,  وعلشان نفهم اكتر يعنى اية نظام تشغيل ناخد المثال التالى 

لو انت معاك جهاز كمبيوتر بدون وندوز [نظام تشغيل] هل هتقدر تنفذ بية اى شئ ؟؟ 
الاجابة لا لانك لا تستطيع الكلام مع الكمبيوتر ولا فهم لغتة ولا هو ايضا يفهم لغتك , المطلوب هو وسيط للترجمة للطرفين 

الوسيط هو نظام التشغيل , ووظيفتة تهيئة موارد الجهاز زى الرامات وكارت الشاشة والصوت وكل حاجة فى الجهاز استعدادا لاستقبال اوامر بلغة البشر  زى الاحرف والارقام والصور .. الخ

طبعا الناس كانت مقتنعة ان وندوز هو النظام الوحيد فى الكون لتشغيل الكمبيوتر , هناك الاف انظمة التشغيل ولكن اكثرهم شهرة هو وندوز وهو منتج من شركة ميكروسوفت كما ان هناك نظام اخر يدعى ماكنتوش وهو من انتاج شركة ِApple واللى مش عارفها اعرفة انها الشركة اللى بتنتج تليفونات Iphone ,  كما ان هناك الانظمة مفتوحة المصدر مثل اصدارات GNU/Linux والمشهور بقوته 

ولكن لماذا ارى الوندوز فى كل مكان ؟؟

الاول لازم نعرف انه لا يوجد شخص يستخدم نظام التشغيل نفسة .. كلنا نستخدم البرامج فقط كبرنامج الاغانى او برنامج متصفح الانترنت او برنامج تشغيل الفديو  ... الخ , شركة ميكروسوفت شركة احتكارية تحتكر المستهلك نفسة قبل السلعة .. فاكبر الشركات المنتجة للبرامج التى نستخدمها يوميا تعاقدت معها ميكروسوفت لانتاج البرمجيات لتوجهه لانظمتها كوندوز وهذا ما جعل هذا النظام منتشر رغم ما يوجد به من مشاكل ومع ذلك نفس شركات البرامج لا تنتج برمجيات لباقى الانظمة اما لاحتكار ميكروسوفت لها او لقلة عدد مستخدمين الانظمة الاخرى عن وندوز 

فى حالة وجد اى معلومات خاطئة برجاء المراسلة