الناس اللى بتتكلم دائما عن اصدارات الوندوز XP كتير جدا منهم يقول انا معاية نسخة جديدة اسمها Light من انتاج ميكروسوفت والتانى يقولك انا معاية نسخة اسمها احمد مش عارف اية من انتاج ميكروسوفت واللى يقولك انا جبت نسخة 2050 وكلام غريب جدا وكتير من الناس مقتنعين بالكلام الغريب دة .
المشكلة الاكبر انهم مقتنعين انها من انتاج ميكروسوفت @@ ’ طيب الحقيقة اية ؟؟؟
الحقيقة ان شركة ميكروسوفت فعلا نزلت اصدارات من الوندوز تحت مسميات مختلفة لكنة نظام واحد واشهرهم Windows XP professional و windows XP home , لكن من حيث الشكل واحد والاستخدامات العامة للمستخدم العادى واحدة .
بشكل عام الناس كلها عندنا فى مصر بيستخدموا Windows XP Professional بس الاغلبية مش عارفين ان كل النسخ اللى مع الناس واحدة ... كلمة Light و اسكوربيون واحمد مش عارف مين ونسخة العفريت ابن الجن والحاجات الغريبة اللى ظاهره اليومين دول , كل دة عبارة عن تعديلات شكلية فى التطبيقات والبرامج والشكل العام لسطح المكتب فى الوندوز .
احب اوضح المعلومة للناس اللى فاهمة ان النسخة الفلانية افضل من النسخة الفلانية .. دة كلام لا اساس له من الصحة لانهم كلهم نسخة واحدة وممكن تتأكد بشئ بسيط جدا
افتح Start واختار Run واكتب cmd واكتب الامر ver ودوس انتر هتلاقى رقم اصدار النسخة وروح جرب على نسخة تانية هتلاقى فى الغالب نفس الرقم حتى لو شفت سنة اصدار الوندوز هتلاقيهم كلهم 2002
التعديلات فى الوندوز اللى بتشوفة هو مجرد برنامج عادى بيعمل الحركات دى فى وندوز وبيكون هدفها تقليل الحمل على الرام او لغرض تجارى للشخص اللى عدل النسخة او لشهرتة .
ولو عايز تحرر عقلك من تخلف بعض الفنين والمهندسين عن الكلام اللى بيفضل يتكرر على لسانهم بتأكيد ان النسخ دى من ميكروسوفت وان التعديلات معمولة فى الشركة وطبعا كل دة كلام فارغ , بكل بساطة ممكن تدخل على الموقع الرسمى لمايكروسوفت والحمدلله الان اصبح مترجم باللغة العربية للتأكد من صحة المعلومات .
المقال مجرد فكرة عامة اراها يوميا بين الناس تدل على عدم الاطلاع والاستسلام لمعلومات من يدعون العلم بمجال السوفت وير
اذا كان هناك اى خطأ فى المعلومات برجاء المراسلة او التصحيح فى التعليق
تعليقات
إرسال تعليق